6 кастрычніка Квасоўскую СШ наведаў Андрэй Станіслававіч Барбашынскі - алімпійскі чэмпіён 1992 года ў Барселоне (Іспанія), чэмпіён СССР і СНД па гандболу. Андрэй Станіслававіч сустрэўся з вучнямі 8-11 класаў, адказаў на пытанні падлеткаў, а таксама паведаў сваю жыццёвую гісторыю. Пасля сустрэчы вучні і дырэктар школы сфатаграфаваліся з алімпійскім чэмпіёнам і адправіліся глядзець матч па гандболу паміж камандамі г. Скідзеля і г. Ваўкавыска. З вялікім перавесам перамогу атрымала каманда г. Скідзеля, якая дарэчы была створана толькі два гады назад.
У Квасоўскай СШ плануецца адкрыццё спартыўнай секцыі па гандболу і адміністрацыя установы адукацыі заручылася падтрымкай у гэтым пытанні такога знакамітага і ганаровага госця.