Экскурсія прысвечана 140-годдзю з дня нараджэння знакамітых песняроў беларускага народа, народных паэтаў Беларусі Янкі Купалы (1882-1942) і Якуба Коласа (1882-1956). Сваімі творамі яны ўзнялі беларускую літаратуру на сусветны ўзровень, выявілі незвычайную сілу і творчую моц беларускага слова. Падчас экскурсіі дзеці адчулі сябе актыўнымі ўдзельнікамі падзей, праявілі кемлівасць і знаходлівасць. З дапамогай заданняў і падказак выхаванцы разгадвалі рэбусы і галаваломкі, пазнаёміліся з цікавымі фактамі з жыцця народных паэтаў і гісторыі нашай краіны, а пасля экскурсіі дзеці размалявалі ілюстрацыі да твору "Адважны певень".