Выхаванцы з вялізным задавальненнем гралі, танцавалі, чыталі вершы пра яблыкі і спявалі песні, знаёміліся з народнымі прыкметамі і прыказкамі.
Цётка Ганна расказала дзецям, што ў жніўні святкуюць тры Спасы. Першы прысвечаны новаму ўраджаю мёда і называецца Мядовы. Другі - Яблычны, даўней свежыя яблыкі можна было есці толькі пасля гэтага свята. Трэці Спас - Хлебны ці Арэхавы, таму што пяклі першы каравай з мукі новага ўраджаю, і ў канцы жніўня спелі арэхі. Дзеці даведаліся, што ў свята Яблычнага Спасу прынята асвяшчаць плады новага ўраджаю, пазнаёміліся з прыкметамі народнага каляндара. Даведаліся, што з гэтага дня вечары становяцца халаднейшымі, птушкі рыхтуюцца да пералёту ў вырай.
Варона Карлаўна прыгатавала для дзяцей цікавыя конкурсы і эстафеты.
У завяршэнне забавы Яблынька пачаставала ўдзельнікаў сваімі румянымі дарамі, бо нездарма ў народзе гавораць «Яблычны Спас яблык прыпас». У падзяку за пачастункі дзеці ўпрыгожылі Яблыньку яркімі стужачкамі.
Гэты дзень у садзе прайшоў весела, выхаванцы з радасцю дзяліліся ўражаннямі.