Яндекс.Метрика
Регистрационный номер: 4141101368

Тыдзень беларускай мовы

Ва ўсіх установах адукацыі раёна прайшлі тыдні беларускай мовы.  Увесь час вучні і настаўнікі стараліся выкарыстоўваць у стасунках толькі беларускую мову.

 Былі праведзены конкурсы чытальнікаў вершаў беларускіх паэтаў "Родная мова, цудоўная мова...";  чытальнікаў уласных вершаў , прысвечаных роднай мове “Гучы, роднае слова”; конкурс малюнкаў на творы беларускіх аўтараў, Свята фразеалагізмаў, прыказак, прымавак "Досціп і мудрасць". 

У бібліятэках аформлены выставы кніг беларускіх пісьменнікаў-юбіляраў І.Шамякіна, І.Мележа, К.Крапівы.

У кабінеце беларускай мовы і літаратуры аформлены экспазіцыі аўтарскіх ілюстрацый да народных прыказак "Сказаў як звязаў!". 

Яркія білборды “Смак беларускай мовы” і “Кошык беларускіх прысмакаў” пашырылі лексічны запас як малодшых школьнікаў, так і вучняў старэйшых класаў. З вялікім задавальненнем вучні прынялі ўдзел у Promo-акцыі “Selfie з кнігай. Я чытаю гэта...”, дзе прадэманстравалі свае любімыя творы беларускіх аўтараў.

Прагляд мультыплікацыйных фільмаў на беларускай мове зацікавіў вучняў, якія зазначылі, што “сучасныя мультыплікацыйныя фільмы вельмі яскравыя, маляўнічыя, дынамічныя з цудоўным музычным суправаджэннем”.

Цікава прайшла акцыя акцыя “Мова нанова!” (пазнай “сваё” праз прастору Internet). Малюнкі з нацыянальным беларускім адзеннем суправаджаліся QR-кодамі, дзе ўтрымлівалася пэўная інфармацыя, якую можна было атрымаць пры дапамозе тэлефонаў і смартфонаў.

Асаблівы інтарэс у вучняў выклікаюць наведванні музеяў, сустрэчы з пісьменнікамі Гродзеншчыны.

grodroo.by © 2021 Все права защищены
Mы в соцсетях:
Регистрационный номер: 4141101368
Яндекс.Метрика