Маленькія патрыёты сваёй Радзімы

Фарміраванне асноў грамадска -патрыятычнага выхавання  пачынаецца  з маленства.

У  дашкольнай установе адукацыі "ДЦРД аг. Парэчча" вялікае значэнне  надаецца знаёмству як з дзяржаўнымі, так і з нацыянальнымі сімваламі нашай Радзімы. Дзеці не толькі слухаюць, але і  ведаюць  гімн сваей краіны, а на святах  і ўрачыстасцях  выхаванцы старэйшай групы спяваюць  разам з дарослымі.

У год гістарычнай памяці  калектыў вырашыў як мага больш увагі звярнуць на гэты накірунак работы. Акрамя тэматычных куткоў, якія ёсць у кожнай групе,  на тэрыторыі  Дашкольнага цэнтру развіцця дзіцяці аграгарадка Парэчча  з'явілася некалькі тэматычных зон. З цікавасцю не толькі хлопцы, але і дзяўчынкі ,наведваюць  ваенную палатку. Выхаванцы спрабуюць сябе ў якасці вадзіцеля ваеннай тэхнікі. Макеты  тэхнікі дапамагаюць  педагогам мадэліраваць розныя  гульнёвыя сітуацыі.  Праз матэрыял, размешчаны на лінейцы «па старонках роднага краю», знаёмяцца з гісторыяй і традыцыямі Радзімы.

А напярэдадні Дня Незалежнасці  на ўваходзе ў цэнтр   з'явіўся стэнд , прысвечаны году гістарычнай памяці. Не толькі дзеці, але і бацькі, маюць магчымасць яшчэ раз успомніць пра подзвіг  дзядоў і прадзедаў у гады вайны. Праз фотаздымкі наведаць значныя месцы не толькі нашага Парэчча, але і яго асяроддзя. А любоў да родных мясцін, сваей гісторыі  абазначылі сімвалічным сэрцам, якое зроблена ў падарунак ўстанове мнагадзетнай сям'ёй Гіль Захара.