ДУА “Яслі-сад аграгарадка Квасоўка” правялі акцыю “76 год пад мірным небам”

76 гадоў мы жывём пад мірным небам, будуем дамы, збіраем ўраджай, выхоўваем дзяцей. Праходзяць дзесяцігоддзі, змяняюцца пакаленні, але памяць аб Вялікай Перамозе нашага народа застаецца ў нашых сэрцах.

      Май – гэта перыяд, калі ўся прырода расцвітае, быццам гаворыць «прывітанне»  жыццю. І нездарма так гістарычна атрымалася, што Дзень Перамогі мы святкуем у гэты месяц. 

      Ад бацькоў і педагогаў залежыць, якімі вырастуць нашы дзеці, ці будуць ганарыцца краінай, у якой нарадзіліся, ці будуць памятаць і шанаваць подзвіг сваіх продкаў. Але з чаго пачаць? Як правільна расказаць дзецям аб вайне? Як зрабіць так, каб дзеці з маленства маглі зразумець, што мір – гэта самае важнае, што ёсць на нашай зямлі.

       З гэтай мэтай у ДУА “Яслі-сад аграгарадка Квасоўка” правялі акцыю “76 год пад мірным небам”. У ходзе акцыі была аформлена тэматычная фотазона. Выхаванцы старшай групы падрыхтавалі танец “Журавы” (муз.Я.Френкеля, сл.Р.Гамзатава), а выхаванцы сярэдняй групы прачыталі патрыятычныя вершы на ваенную тэматыку.

       Правядзенне акцыі дазволіла стварыць умовы для выхавання ў дашкольнікаў пачуцця патрыятызму і гонару за сваю краіну, за подзвіг беларускага народа ў гады Вялікай Айчыннай вайны.